2007年12月11日星期二

樓---買定唔買, 同幾時買

短期美國利率估計由目前4.5厘下降至明年年中3.5厘,打工仔正落注估減息會令本港樓價上升,今年9月起本港中價樓開始上升。

上述如意算盤係咪打得響?

四十年經驗告訴我老曹,加息減息同樓價升跌關係唔大。

例如1976至81年加息期,本港樓價上升五倍;
1981至82年減息期,樓價卻回落三分一。
2001至03年減息期,本港樓價亦係回落而唔係上升。

更準確訊號係恒生地產分類指數,如指數上升,三到九個月後本港樓價便升;如恒生地產分類指數回落,三到九個月後本港樓價亦回落。

從本港地產發展公司並冇積極買地睇,我老曹質疑明年本港樓價將上升25%論調。

反之,近年內地加息,本港地產商卻紛紛到內地買地,代表地產發展商仍睇好內地樓價而非香港樓價。

你認為打工仔眼光好還是地產發展商好?

人無遠慮,必有近憂

投資市場係最考驗意志力地方,通常賺大錢機會不在於大升市,而在於上落市。
11月1日恒指31897點,最低係11月22日25861點,收市指數28643點,在上述波幅中,各位有冇保持平常心,做到炒股唔炒市?
少做短線,多從中長線角度睇問題,永遠同股市保持一定距離。愈想賺錢人愈冇錢賺(財不入急門)。
做股票要耐得住寂寞,唔跟風,自己做功課,完成功課後等候安全價才出擊,堅守止蝕唔止賺原則。
別人好耐都唔留意股票,你有冇認真分析係咪被低估?有D股票火紅人人爭住買,你有冇善心做好事,唔賺盡便放手,分一D畀人家賺,以免一旦掉頭自己走唔切?
投資如打仗,你布局係點?
今年應想明年事,而非今天只想明天事

小心使得萬年船

股民將信將疑 大戶炒高派發 2007-11-12
林行止專欄


不過,上述這種有論者稱為「貝南奇循環」現象出現的同時,銀行在SIVs上的虧損,正在體現「蟑螂原理〔或理論〕」(對這種原理的詳細解釋,請讀十月號《信報月刊》黃淑儀博士的鴻文)的正確性,因為銀行為次按所作的「撥備」愈來愈多,與發現一隻蟑螂後其同類陸續有來的情況相似(花旗去月注銷六十四億美元壞賬後,大股東沙地Alwaleed王子問「是否已撇清?」CEO普林斯予以肯定答案,哪知其他「蟑螂」跟着露面,花旗只好承認還有可能高達一百一十億美元的爛賬。王子對他失去信心,普林斯因此去職),銀行面對困境,必會收縮信貸,經濟活動放緩無可避免……。  

眾所周知,股市在此環境下回落,是理所當然的事,但股市走向不是憑常理所能預測,當大戶走避不及手上有貨無錢或貨多錢少的時候,他們便會散布減息「流動性高」股票勝鈔票的言論,而在股民將信將疑之中炒高派發!