電力研究員 11 Jul 2007 20:56:24

洞人兄， 唔知你無銷售經驗？
購買消費品(非必需品)，並非購買商品本身！
是購買產品背後的"意念"。

以前的吉利，售賣的是商品，一輛可以載人的車，用來：走白牌賺錢、去農場開工.......

買家以商品的價錢/用途(內地說的性價比，性能與價錢的比例)作為標準。 所以價錢要不斷減，才可以領先同行。

被人笑cheap人，就答一句：都係搵食o者，老闆，幫幫忙啦！ 現在的吉利，想賣消費品....，試問有甚麼人會出錢給人，然後被嘲笑為Cheap人？ 要擺脫"Cheap...Cheap 車，Cheap Cheap 人"的稱號，談何容易。

吉利必需從新塑造一個形象，另到別人話.....你都識貨wor.... 你都識貨wor....的例子： 華晨的"中華牌駿捷"......都賣得好平，十多萬，應該2007年華晨虧轉盈都係靠佢。 駿捷的生產線跟寶馬是同一條，用十多萬買駿捷等於用三十多萬買寶馬.....別人就贊o加仔。

從吉利找TVB拍電視劇、用三百萬改Logo、贊助中國方程式賽車，可以睇到，吉利肯聽市場推廣的意見， 經過精密計算(傳播理念係精密的科學，浸會傳理系)，用以改變吉利背後的形象。
(1) Logo： 原來的Logo，是耕田用的耙，5個抓...意念在農民都買得起！ 新的客戶，不再是農民...當然要改。
(2) 你都識貨wor： 這個，應該用贊助中國方程式賽車、自家研發引擎做突破點....好野來的，唔係人人有。 電視劇就用來改變形象(洗腦)....當電視劇經過多月的廣播，亞婆都記得"劉松仁"的xx牌汽車，是第一架可以在美國公路上跑的中國制汽車。

"劉松仁" = 李書褔、xx牌汽車 = 吉利汽車，xx牌汽車結局係點，未來吉利汽車就會點.... 如果吉利汽車能夠順利改變，相信，都可以成為商學院的經典課題。

當然，如果執行失敗，大家又多一個眼高手低的例子。 至於華晨，我同意Ben的睇法。 可能有兩三個季度做得不錯，但是，內部管理不濟，逆景一旦來臨，憑甚麼去處理！