曹仁超 - 投資者日記 <<用眼耳口鼻選股>>

今天100萬元以平均年率5％失去購買力計，10年後只餘下59.87萬元，30年後只餘下21.46萬元購買力；反之，投資100萬元股市每年升值20％計，20年後將有3834萬元。短期股價波動受好多因素影響，好難預測，但住優質股（尤其係內地經濟正處於高速成長期），每年從股票市場賺取20％回報並唔苛求，較自己做老闆來得容易。香港1967至97年我老曹叫呢段日子做「黃金30年」，呢段日子股票市場賺錢係極之容易。1997年8月至今港股進入大上大落期，繼續股市中賺錢變成唔再容易；反之，內地股市依家仍處黃金30年，只要買入優質股及唔太高價時追入，可隨公司成長而獲得合理回報。值得注意係，內地資源股及製造股可能已見頂或在尋頂。內地未來高速成長行業類似1980年代及1990年代香港，以零售、金融及房地產為主。
十多年百倍回報非不可能
　　美國，有人持有可口可樂、通用電器發達，近30年有人持有沃爾瑪及微軟發達。香港，1970、80年代係華資地產成長期，1990年代係華資地產成熟期。控踏入1990年代因收購英國米特蘭銀行出現「再發育期」，過去16年（1990至2006年）投資控回報不俗。選股正確加上時間，你心目中企業十多年內為你帶來100倍回報並非唔可能。
　　著名投資者彼得林治教我地：最好選股方法係動用眼、耳、口、鼻，而非聽信大行推介。例如1960年代畢非德自己喜歡飲可口可樂、睇《華盛頓郵報》，佢便買重可口可樂同華盛頓郵報股票（用口品嘗、用眼去睇）。今天可口可樂及《華盛頓郵報》為佢帶來極可觀回報。1980年代一位朋友代表香港一間工廠到外國接單，佢認為沃爾瑪經營方法極之成功，因此一有錢便買沃爾瑪股份；10年前佢打工工廠因遷入內地，而令佢冇份工，但佢唔擔心，因為佢投資沃爾瑪股份已足夠養佢過世。
　　留意上市公司所提供產品及服務，再用簡單常識分析，便可搵到絕佳投資機會。例如2003年7月內地開始自由行，唔少人投資本港零售股大大賺一筆。眼見內地房地產有價，投資本港上市內房股又賺一筆。只要平時多加留意行業趨勢你隨時打贏大行推介；多留意傳媒報道，亦係獲得靈感渠道。例如中央三年前支持造船業，去年則支持環保事業。大部分企業都擺脫唔到周期影響，學習冬天買草蓆、夏天買棉胎又係另一方法。
買吉利都唔好太多心 , 慢慢等做千萬富翁la
10年後, 係香港都有個人買吉利發達